Fina Casalderrey

Visita de Fina Casalderrey ao noso colexio.

Hoxe o alumnado das clases de 5º e 6º do colexio Condesa de Fenosa tivemos a sorte de recibir a visita dunha convidada moi especial: foi a escritora pontevedresa Fina Casalderrey.

A min pareceume unha persoa moi interesante, pois ademais de escritora é profesora no I.E.S. Salvador Moreno de Marín (Pontevedra) e periodista e gastrónoma.

Descubrimos moitas cousas sobre ela, a verdade é que se notaba que lle gusta falar e comunicarse cos nenos e nenas.  

Falounos da súa infancia, que lle houbese gustado crecer rodeada de libros, aínda que a min o que máis me gustou foi cando contou por que se fixo escritora. Foi a historia de Aroa, a señora que non sabía ler,  que era súa veciña e ía onde ela para lerlle as cartas de seu fillo emigrado as Américas. A verdade e que pareceume moi fermosa e emocionoume moito.

Tamén nos deu consellos moi interesantes para escribir sobre as cousas que nos acontecen e que sentimos, e que, ademais de saber escribir, hai que ter imaxinación, sensibilidade e creatividade.

Un descubrimento interesante foi que a historia do seu libro “Isha, nacida do corazón” está baseado en feitos e personaxes reais.

Unha bagoa que o tempo pasase tan rápido escoitando a Fina.

Como   final ensinámoslle os nosos debuxos, inspirados nos capítulos dese libro e tivo a amabilidade de asinarnos uns autógrafos.

Fina Casalderrey ademais de escribir o libro de Isha, escribiu O misterio dos fillos de lúa polo que recibiu o premio O Barco de vapor  e O estanque dos parrulos pobres polo que recibiu o premio Edebe de literatura infantil e xuvenil.

Esta é a súa obra:

 

-          Dúas bágoas por Máquina.

-          A noite dos coroides.

-          Chamizo.

-          Asústate, Merche!

-          O misterio dos fillos de lúa.

-          O estanque dos parrulos pobres.

-          Prohibido cazar, papá!

-          Ás de mosca para Anxo.

-          A filla das ondas.

-          Bicos de prata.

-          A máscara de palma.

-          Cando a Terra esqueceu xirar.

-          Un can no piso! E que?

-          Fillas das ondas.

-          Eu son eu.

-          O meu avó é unha gata.

-          Un misterio na mochila de Alba.

-          Quen me quere adoptar?

-          Isha, nacida do corazón.

-          Pásmate Merche.

-          Un cabalo de lume.

-          Apertas de vainilla.

-          Xela volveuse vampira.

-          A pomba e o degolado.

-          Ola estúpido monstro peludo.

-          Félix o coleccionista de medos.

-          Pesadelo no tren  chocolate.

-          Lume!

Poderedes saber mais cousas visitando a súa web: Fina Casalderrey http://fina.casalderrey.com/

.

                                                   http://fina.casalderrey.com/index2.htm

Gozádea...
María Rodríguez Pereira